25 ақпан күні Қарағанды облысында жоспарлы оқу-жаттығу кезінде Су-30СМ жойғыш ұшағы апатқа ұшырады, -деп хабарлайды «Dalamedia» ақпараттық порталы.

Экипаж дереу катапульт жасап, ұшқыштар аман қалды. Олардың өмірі мен денсаулығына қауіп жоқ, қазіргі уақытта олар дәрігерлердің бақылауында.

Ұшақ құлаған аумақ қоршалған, тұрғындарға және инфрақұрылым нысандарына қауіп жоқ.

Оқиғаның себептері мен мән-жайын анықтау үшін Қазақстан Республикасы Қорғаныс министрлігінен арнайы комиссия құрылды. Тергеу қорытындысы бойынша шешім қабылданады.