Заңсыз ойын бизнесін ұйымдастырды деген күдікпен халықаралық іздеуге жарияланған блогер Қайсар Қамза қазіргі уақытта Вьетнамда қамауда отыр. Бұл туралы ҚР Сыртқы істер министрлігінің ресми өкілі Ерлан Жетібаев мәлімдеді, -деп хабарлайды «Dalamedia» ақпараттық порталы.
Министрлік өкілінің айтуынша, қолда бар мәліметке сәйкес, Қазақстан азаматы Вьетнам аумағында ұсталған. Қазір оны елге экстрадициялау мәселесі қаралып жатыр.
Ерлан Жетібаевтың сөзінше, экстрадициялау рәсімі Бас прокуратураның құзыретіне жатады. Осыған байланысты алдағы уақытта тиісті ақпаратты аталған ведомство жариялайды.
Бұған дейін халықаралық іздеуде жүрген блогер Қайсар Қамзаның ұсталғаны жөнінде ақпарат тараған болатын.
Еске салсақ, Қазақстанның Қаржылық мониторинг агенттігі 1995 жылғы 18 қыркүйекте туған Қазақстан азаматы Қамза Бақытжанұлына халықаралық іздеу жариялаған еді.
Бүгін бұл мәселеге қатысты ҚР Бас прокуратурасы да түсініктеме берген болатын.
DALAMEDIA admin
7
0