Алматы облысында бірнеше күннен бері із-түзсіз жоғалған 29 жастағы ер адамның өліміне қатысты ауыр қылмыс тергеліп жатыр, -деп хабарлайды «Dalamedia» ақпараттық порталы.

Әлеуметтік желілерде тараған мәліметке сәйкес, қайғылы оқиға Ulan Hot Spring Resort демалыс базасының аумағында болған. Ер адамның анасы полицияға жүгініп, ұлының жұмысқа кеткеннен кейін байланысқа шықпай қалғанын хабарлаған. Осыдан кейін іздестіру жұмыстары басталды.

Туыстарының айтуынша, марқұм мен әріптестері арасында бірге ішімдік ішкен кезде жанжал туындаған. Жақындарының сөзінше, күдіктілер ер адамды аяусыз соққыға жыққан.

Іздестіру барысында оның мәйіті жұмыс орнына жақын аумақтан табылды. Алдын ала мәлімет бойынша, жанжал кезінде жәбірленуші ауыр дене жарақатын алған.