Халықаралық балаларды қорғау күніне орай еліміздің барлық өңірінен жиналған 100 үздік оқушы Ақорда резиденциясына арнайы экскурсия жасады, — деп хабарлайды «Dalamedia» ақпараттық порталы.

Меймандар қатарында пәндік олимпиадалардың жеңімпаздары мен жүлдегерлері, оқу үздіктері, сондай-ақ шығармашылық байқаулар мен спорттық жарыстардың лауреаттары болды. Балаларға президент резиденциясының сәулеті мен құрылысының тарихы туралы кеңінен таныстырылды.

Экскурсия барысында оқушылар ресми қабылдау залдарын, Мемлекет басшысының кітапханасын аралап көріп, Ақорда аумағындағы бақта серуендеді. Олар ел тарихына қатысты көптеген тың деректермен танысуға мүмкіндік алды.

Сапар соңында балаларға Президент атынан естелік сыйлықтар табысталды.