Шымкент қаласының түлегі Жанерке Жүнісәлі халықаралық деңгейде ерекше жетістікке қол жеткізіп, әлемнің 118 университетінен шақырту алған, -деп хабарлайды «Dalamedia» ақпараттық порталы.

Жас түлекке АҚШ, Канада, Түркия, Малайзия, Біріккен Араб Әмірліктері және Оңтүстік Кореяның жетекші жоғары оқу орындарынан оқу гранттары ұсынылған. Бұл ұсыныстар оның білімдегі жетістігі мен халықаралық деңгейдегі бәсекеге қабілеттілігін көрсетеді.

Қазіргі таңда Жанерке Малайзиядағы университеттердің бірін таңдау мүмкіндігін қарастырып отыр. Ол алдағы оқу орнын таңдауда білім сапасы мен болашақ кәсіби мүмкіндіктерді басты назарға алып отырғаны айтылады.

Жанеркенің бұл жетістігі жас қазақстандықтардың халықаралық білім кеңістігіндегі мүмкіндіктері кеңейіп келе жатқанын айқын көрсетеді.