Алматы қаласының Бостандық ауданындағы мектеп түлектері биылғы бітіру кешін даңғаза сән-салтанатсыз өткізуді жөн көрді. Олар қымбат мейрамхана мен кортеж ұйымдастырудың орнына қайырымдылық шараларын қолға алған,-деп хабарлайды «Dalamedia» ақпараттық порталы.

Түлектер «Жан әлемі» аутизм спектрі бұзылған балаларға арналған отбасылық оңалту үйіне, Педиатрия және балалар хирургиясы ғылыми орталығына, №2 мамандандырылған сәбилер үйіне және қиын өмірлік жағдайға тап болған көпбалалы отбасына көмек көрсеткен.

Игі іске атсалысқан жастар балаларға ойыншықтар, кеңсе тауарлары, азық-түлік өнімдері мен теледидар сыйлаған.

Осылайша мектеп бітірушілері мерекені тек көңіл көтерумен шектемей, мұқтаж жандарға қолдау көрсетудің үлгісін танытты.