Әлеуметтік желіде пранк мақсатында түсірілген видео жұрттың қызу талқысына түсті, ,-деп хабарлайды «Dalamedia» ақпараттық порталы.

Бейнежазбада суға батып бара жатқан адамды байқаған полиция қызметкері еш кідірместен суға секіріп, оны жағаға алып шыққаны көрінеді. Алайда артынша кадрға блогер түсіп, «құтқарылған» адамның кәсіби жүзуші екенін айтып, мұның бар болғаны әзіл үшін жасалған пранк екенін жеткізген.

Оқиғадан кейін желі қолданушылары видео авторларын сынға алып, мұндай әрекеттің жауапсыздық екенін жазды. Ал полиция қызметкері қоғамдық тәртіптің бұзылғанын ескерткен.

Нәтижесінде ролик авторы 15 тәулікке, ал пранкке қатысқан кәсіби актер 10 тәулікке әкімшілік қамауға алынды.