Бүгін қазақ әдебиеті мен руханиятының көрнекті өкілі, Қазақстанның Халық жазушысы, қоғам қайраткері әрі дипломат Олжас Сүлейменов 90 жасқа толды,,-деп хабарлайды «Dalamedia» ақпараттық порталы. Оның есімі қазақ поэзиясымен ғана емес, ұлттың рухани дамуы, бейбітшілік бастамалары және түркі әлемінің мәдени сабақтастығымен қатар аталады.

Олжас Сүлейменов 1936 жылы 18 мамырда Алматыда дүниеге келген. Балалық шағы соғыс пен саяси қуғын-сүргін жылдарымен тұспа-тұс келді. Әкесі сталиндік репрессия құрбаны болды. Бұл жағдай болашақ қаламгердің дүниетанымына терең әсер етті.

Мектептен кейін ол Қазақ мемлекеттік университетінің геология факультетінде білім алып, инженер-геолог мамандығын меңгерді. Біраз уақыт геологиялық экспедицияларға қатысқанымен, кейін әдебиетке біржола бет бұрды. Мәскеудегі М.Горький атындағы Әдебиет институтында білімін жалғастырып, поэзия әлеміне қадам басты.

Ақынның алғашқы «Арғымақтар» жинағы әдеби ортаға жаңа леп әкелді. Ал ғарышкер Юрий Гагарин ұшқанына арналған «Адамға табын, Жер, енді» поэмасы оның есімін кеңінен танытты.

Қаламгердің ең көп талқыланған еңбектерінің бірі – Аз и Я. 1975 жылы жарық көрген бұл кітап түркі және славян халықтарының тарихи байланысына тың көзқарас ұсынды. Сол кезеңде қызу пікірталас тудырған еңбек кейін ұлттық сананың жаңғыруына ықпал еткен маңызды туынды ретінде бағаланды.

Олжас Сүлейменов әдебиетпен ғана шектелмей, кино мен мәдениет саласында да еңбек етті. Сондай-ақ тәуелсіз Қазақстанның дипломатиялық қызметінде болып, ел мүддесін халықаралық деңгейде танытуға үлес қосты.

Оның азаматтық ұстанымын айқындаған ірі бастамалардың бірі – 1989 жылы құрылған Невада – Семей антиядролық қозғалысы. Бұл бастама Семей ядролық полигонының жабылуына жол ашып, Қазақстанды ядролық