АҚШ-тың Финикс қаласында өткен Regeneron ISEF 2026 халықаралық ғылыми байқауы өз мәресіне жетті,,-деп хабарлайды «Dalamedia» ақпараттық порталы.

Дүниежүзінің 60-тан астам елінен жиналған 1700-ге жуық жас зерттеуші өз жобаларын көпшілік назарына ұсынды.

Қазақстан намысын бұл додада 7 оқушы 5 ғылыми жобамен қорғады. Солардың қатарында Тараз қаласындағы Зияткерлік мектептің 11-сынып оқушысы Арнұр Артықбай да бар.

Жас өнертапқыш ұсынған жоба машиналық оқыту арқылы қатерлі ісікті ерте анықтауға арналған. Жүйе жасанды интеллект көмегімен диагноз қою дәлдігін арттыруды көздейді.

Арнұрдың ғылыми жұмысы халықаралық қазылар алқасының жоғары бағасына ие болды. Нәтижесінде ол MAWHIBA Foundation арнайы сыйлығын жеңіп алып, 400 АҚШ доллары көлеміндегі марапатқа ие болды. Сонымен қатар оған King Fahd University of Petroleum and Minerals университетінің гранты табысталды.

Бұл жетістік қазақстандық оқушылардың ғылым саласындағы әлеуетін тағы бір мәрте дәлелдеді.