Маңғыстау облысының әкімі Нұрдәулет Қилыбай еріктілермен бірге өңірдегі көрікті орындардың бірі – Айрақты аумағында тазалық акциясына қатысты,,-деп хабарлайды «Dalamedia» ақпараттық порталы.

Экологиялық шара барысында қатысушылар табиғи нысан аумағын қоқыстан тазартып, қоршаған ортаны таза ұстаудың маңызын көрсетті.

Өңір басшысы тұрғындар мен аймақ қонақтарын табиғатқа жанашырлықпен қарап, тазалық мәдениетін сақтауға шақырды. Оның айтуынша, Мемлекет басшысы ұсынған «Таза Қазақстан» бастамасы қоғамда біртіндеп қолдау тауып келеді. Соған қарамастан, демалыс орындары мен киелі мекендерде қоқыс қалдырып кететіндер әлі де азаймай отыр.

Нұрдәулет Қилыбай табиғатты таза ұстау әр азаматтың жауапкершілігі екенін атап өтті. Сондай-ақ өскелең ұрпаққа қоршаған ортаға ұқыпты қарау мәдениетін сіңірудің маңызына тоқталды.

Айта кетейік, акцияға жергілікті тұрғындар мен еріктілер де белсенді атсалысты.