Әлеуметтік желілерде элиталық мектептердің бірінде оқитын оқушы әрі блогердің «бізде Қазақстан тарихы оқытылмайды» деген мәлімдемесі қоғамда қызу талқылауға себеп болды. Алайда Оқу-ағарту министрлігі бұл ақпараттың шындыққа жанаспайтынын мәлімдеді, — деп хабарлайды «Dalamedia» ақпараттық порталы.

Оқиға танымал бағдарламалардың бірінде көрермен қойған «Қазақ хандығы қашан құрылды?» деген сұрақтан кейін басталған. Жауап берген оқушы өз мектебінде Қазақстан тарихы пәні өтпейтінін айтып, оны білмейтінін жеткізген. Оның бұл сөзі әлеуметтік желіде тез тарап, жекеменшік және халықаралық мектептердегі ұлттық пәндердің оқытылуы жөнінде түрлі пікірталас тудырды.

Видеодағы пікір барысында оқушы «біздің мектеп ағылшын тілінде білім береді» деп, Қазақстан тарихы пәні мүлде оқытылмағанын айтқан. Бұл жауап қоғамда әртүрлі реакцияға себеп болды.

Кейін Threads әлеуметтік желісінде (nothingleftloud) жарияланған жазба да талқылауды күшейтті. Онда автор элиталық мектептерде Қазақстан тарихы оқытылмайды деген пікір білдіріп, оқушының әкесі депутат екені жөнінде де жазған. Бұл ақпарат та желі қолданушылары арасында қосымша дау туғызды.