Қасым-Жомарт Тоқаев Түркия Президенті Режеп Тайип Ердоғанға «Қожа Ахмет Ясауи» орденін табыстады, -деп хабарлайды «Dalamedia» ақпараттық порталы.

Мемлекет басшысы Режеп Тайип Ердоғанды өз елін алға жетелеп келе жатқан әлемдік деңгейдегі беделді саясаткер әрі көшбасшы ретінде ерекше құрметтейтінін айтты.

Өз кезегінде Түркия Президенті Қожа Ахмет Ясауи атындағы орденнің алғаш рет өзіне берілуін зор мәртебе санайтынын жеткізді.

Режеп Тайип Ердоған бұл марапатты Түркия Республикасы мен түрік халқына көрсетілген құрметтің белгісі ретінде қабылдайтынын атап өтті. Сонымен қатар ол екі ел арасындағы бауырластық байланыстарды нығайту жолындағы саясат үшін Қасым-Жомарт Тоқаевқа алғыс білдіріп, қазақ-түрік достығының мәңгі болуына тілектестік танытты.