Air Astana әуе компаниясының бас атқарушы директоры Питер Фостер 2026 жылдың наурыз айының соңында өз қызметін аяқтайды. Алайда ол компаниямен байланысын үзбей, Директорлар кеңесінің аға кеңесшісі ретінде жұмысын жалғастырады.
Компания басшылығына қаржы жөніндегі атқарушы директор Ибрахим Жанлыел тағайындалмақ. Ол Air Astana құрамында 2003 жылдан бері еңбек етіп келеді және компанияның стратегиялық дамуына айтарлықтай үлес қосқан маман ретінде белгілі.
Air Astana директорлар кеңесінің төрағасы Нұрлан Жақұпов Питер Фостерге жиырма жылдық жетекшілігі үшін алғыс білдіріп, оның басқару кезеңінде ұлттық әуе компаниясының Орталық Азиядағы жетекші әуе тасымалдаушылардың біріне айналғанын атап өтті.
Питер Фостер Air Astana-ны 2005 жылдан бері басқарып келеді. Оның жетекшілігімен компания флоты бірнеше есеге ұлғайып, ондаған жаңа бағыттар ашылды. Сонымен қатар, 2024 жылы Air Astana тобы Лондон және Қазақстан қор биржаларында IPO өткізіп, аймақтық авиация саласында тарихи жетістікке жетті.
DALAMEDIA admin
6
0