Иран билігі АҚШ тарапынан ұсынылған «соғысты тоқтату» жөніндегі соңғы құжатқа қатысты жауабын Пәкістан арқылы жолдады, — деп хабарлайды «Dalamedia» ақпараттық порталы.

Бұған дейін Иран Сыртқы істер министрлігінің өкілдері Вашингтон ұсынған бастамаларға қатысты Тегеранның нақты ұстанымы жан-жақты зерттеу аяқталған соң жарияланатынын бірнеше мәрте айтқан еді.

Ұсынылған жоспарға сәйкес, қазіргі келіссөздердің негізгі мақсаты – аймақтағы қақтығысты тоқтатып, жағдайды тұрақтандыру.

Осы арада Иран президенті Masoud Pezeshkian Тегеранда соғыс салдарынан бүлінген нысандарды қалпына келтіруге жауапты шенеуніктермен кездесу өткізді. Жиын барысында ол келіссөз жүргізу әлсіздік немесе шегіну емес екенін атап өтті.

Президенттің айтуынша, мұндай қадам Иран халқының құқығы мен мемлекет мүддесін қорғауға бағытталған. Сондай-ақ ол ел тұрғындары «ешқашан жау алдында бас имейтінін» айтып, шабуылдан зардап шеккен азаматтарға көмек көрсету жұмыстары жалғасып жатқанын жеткізді.