Астанада Ұлы Жеңістің 81 жылдығына орай арнайы безендірілген пойыздар қатынай бастады, -деп хабарлайды «Dalamedia» ақпараттық порталы.

Мерекеге орай «Астана – Алматы» және «Астана – Шымкент» бағытындағы «Тальго» пойыздары, сондай-ақ «Астана – Атбасар», «Астана – Павлодар», «Астана – Көкшетау» бағытындағы электр пойыздары ерекше сәнделді.

Вагондарға қазақтың даңқты батырлары мен майдангерлерінің портреттері орналастырылған. Олардың қатарында Бауыржан Момышұлы, Рақымжан Қошқарбаев, Әлия Молдағұлова, Мәншүк Мәметова, Хиуаз Доспанова, Нүркен Әбдіров, Төлеуғали Әбдібеков, Сағадат Нұрмағамбетов, Қасым Қайсенов, Мәлік Ғабдуллин және Талғат Бигелдинов бар.

Арнайы безендірілген пойыздар жолаушыларға мамыр айының соңына дейін қызмет көрсетеді.