Продюсер Баян Алагөзова қазақ киносы мен театр өнерінің көрнекті өкілі Меруерт Өтекешеваға пәтер тарту ететінін мәлімдеді, ,-деп хабарлайды «Dalamedia» ақпараттық порталы.

Жиын барысында продюсер актрисаға ерекше құрмет көрсетіп, алтын және бриллиант тастары қондырылған сырға мен бағалы ішікті сыйға тартты. Ол қазақтың «Қыз Жібегі» атанған өнер иесінің еңбегін жоғары бағалап, мұндай тұлға лайықты жағдайда өмір сүруі тиіс екенін атап өтті.

Баян Алагөзова алдағы екі ай ішінде Меруерт Өтекешеваның өзі қалаған пәтерін алып беруге уәде еткен.

Айта кетейік, бұған дейін актриса журналист Мая Бекбаеваға берген сұхбатында баспанасы жоқ екенін және өмір жолында түрлі қиындықтарды бастан өткергенін айтқан болатын.