Қазақстанда электромобильдерге бөлек түсті мемлекеттік нөмірлер енгізу ұсынысы қарастырылып жатыр, ,-деп хабарлайды «Dalamedia» ақпараттық порталы.

Бұл бастама Мәжіліс отырысында талқыланып, Ішкі істер министрлігі тарапынан қолдау тапқаны айтылды. Вице-министр Санжар Әділовтің сөзінше, мұндай тәжірибе әлемнің бірқатар елінде бар, әдетте электромобильдерге жасыл түсті нөмірлер беріледі. Оның айтуынша, тиісті заң қабылданғаннан кейін қажетті нормативтік құжаттар әзірленіп, жүйе кезең-кезеңімен енгізілмек.

Сонымен қатар, Мәжіліс депутаты Арман Қалықов электромобильдерге қатысты заң күшіне енгенімен, бірқатар әкімшілік түйткілдер туындап отырғанын атап өтті. Оның айтуынша, қолданыстағы техникалық жүйелер электромобильді қарапайым көліктен ажырата алмай отыр. Бұл мәселе ақылы тұрақтар, қуаттау станциялары және ерекше қорғалатын аумақтарға кіру тәртібі кезінде қиындық тудырып отыр.

Осыған байланысты Мәжіліс комитеті электромобильдерге арнайы түсті мемлекеттік нөмірлер енгізу бастамасын ұсынған.