Оқу-ағарту министрлігі биыл «Алтын белгі» төсбелгісін дайындауға 231,3 миллион теңге жұмсауды жоспарлап отыр. Бұл қаражатқа жалпы саны 8000-нан астам төсбелгі шығарылмақ, ,-деп хабарлайды «Dalamedia» ақпараттық порталы.

Ресми мәліметке сәйкес, тапсырысты Монета сарайы мамыр айының соңына дейін толық аяқтауы тиіс. Биыл бір «Алтын белгі» төсбелгісінің құны 27 695 теңгені құрайды.

Соңғы жылдардағы деректерге қарағанда, төсбелгінің бағасы айтарлықтай өскен. Мәселен, 2023 жылы оның құны 16 520 теңге болған.

Сонымен қатар, үздік оқушыларға берілетін төсбелгі саны да артқан. 2023 жылы бар болғаны 5500 данаға тапсырыс берілсе, биыл бұл көрсеткіш 8000-нан асып отыр.