Кәсіпкер Тұрсынғали Алагөзов Шымкенттегі сыра қайнату зауытының 50 жылдық мерейтойына орай 50 қызметкеріне пәтер кілтін табыстады ,-деп хабарлайды «Dalamedia» ақпараттық порталы.

Жағымды жаңалыққа кенелгендер – аталған кәсіпорында ұзақ жыл еңбек еткен жұмысшылар. Олардың ішінде зауытта 40 жылдан астам уақыт тер төккен мамандар да бар.

Алагөзов бұл күннің өз өмірінде ерекше орын алатынын атап өтті. Оның айтуынша, кәсіпкерлік жолында қиын кезеңдер де аз болмаған. Бір кездері табысы айына 200 мың теңгеден аспаған сәттерді де бастан өткергенін жасырмайды.

Сол қиын шақтарда ол ісі түзелсе, елге пайдамды тигіземін деген уәде бергенін айтады. Бүгінде сол уәденің орындалғанын жеткізіп, қуанышын қызметкерлерімен бөлісті.