Астанада жасанды интеллектімен жабдықталған камералар арқылы қоғамдық тәртіп пен тазалықты бақылау күшейтілді, -деп хабарлайды «Dalamedia» ақпараттық порталы.

Жаңа жүйе көшелер мен қоғамдық орындарда қоқыс тастау, темекі тұқылын лақтыру, сондай-ақ рұқсат етілмеген жерге қалдық төгу секілді құқық бұзушылықтарды автоматты түрде анықтайды.

Тіркелген деректер бірден жүйеге енгізіліп, жауапты мекемелерге жедел жолданады. Бұл құқық бұзушылыққа дер кезінде әрекет етуге мүмкіндік береді.

Жоба қала тазалығын сақтау мен қоғамдық тәртіпті күшейтуге бағытталған. Мамандар мұндай технология тұрғындардың жауапкершілігін арттырып, құқық бұзушылықтың алдын алуға ықпал ететінін айтады.