Қазақстанда деректерді өңдеу орталықтарын дамыту жұмыстары жалғасып жатыр. Бұл туралы Үкімет отырысында “Қазақтелеком” АҚ басқарма төрағасы Бағдат Мусин мәлім етті, ,-деп хабарлайды «Dalamedia» ақпараттық порталы.

Оның айтуынша, өткен жылдың қазан айында Алматы қаласында өнімділігі 1,5 петафлопс болатын AI-Farabium суперкомпьютері іске қосылған. Қазіргі таңда ол әлемдегі ең қуатты есептеу жүйелерінің арасында 103-орында тұр және оның есептеу мүмкіндігі толық, яғни 100 пайыз жүктемемен жұмыс істеп тұр.

Сонымен қатар елімізде жаңа деректер орталықтарының құрылысы қатар жүріп жатыр. Жоспарға сәйкес, биыл қараша айында Қосшы қаласында Алматыдағы орталықтан үш есе қуатты жаңа суперкомпьютерді іске қосу көзделіп отыр.