Соңғы уақытта әлеуметтік желілерде, әсіресе TikTok-та, қазақстандық оқушылардың мұғалімдерді келемеждейтін, олардың фотосын рұқсатсыз пайдаланып, жағымсыз мазмұндағы видеолар жариялауы жиілеген,-деп хабарлайды «Dalamedia» ақпараттық порталы.

Қарағанды қаласында тұрғындардың бірі жеке үйінің ауласында ондаған ит асырап, соның салдарынан көршілердің наразылығын тудырып отыр. Тұрғындардың айтуынша, бір аулада кемінде 20-ға жуық ит ұсталады, бұл маңайда шу мен жағымсыз иістің пайда болуына себеп болған,-деп хабарлайды «Dalamedia» ақпараттық порталы.

Көршілердің сөзінше, иттердің үнемі үруі мен санитарлық жағдайдың нашарлауы күнделікті қолайсыздық туғызған. Олар бұл мәселе бойынша талай рет ескерту жасағанымен, нәтиже болмағанын айтады. Жергілікті тұрғындардың бірі аулада 20-дан астам ит барын, тіпті олардың көбейіп кеткенін жеткізді.

«Түнде де, күндіз де тыныштық жоқ. Иттер тоқтаусыз үреді, жазда иісі тіпті шыдатпайды», – дейді көршілердің бірі.

Ал үй иесі болса, керісінше, мұны ізгі іс деп санайды. Оның айтуынша, ол қараусыз қалған жануарларды паналатып отыр.

Көршілер мәселені шешу үшін полицияға, санитарлық қызмет пен әкімдікке бірнеше рет жүгінген. Соның нәтижесінде үй иесіне алдымен ескерту жасалып, кейін әкімшілік іс қозғалған.

Қарағанды облыстық полиция департаменті өкілдерінің мәліметінше, учаскелік инспектор аталған мекенжайға барып, тексеріс жүргізген және ит қалдықтары мен тұрмыстық қалдықтардың жиналуы бойынша шара қабылданған. Сондай-ақ санитарлық және ветеринарлық қызметтерге қосымша тексеру жүргізу туралы хат жолданған.