Қазақстандық Нұрбек есімді азамат «Сәтті Жұлдыз» ұлттық лотереясынан пәтер ұтып алды, -деп хабарлайды «Dalamedia» ақпараттық порталы.

Жеңімпаз алғашында бұл хабарға сене қоймаған. Айтуынша, қуанышты жаңалықты ол жол үстінде, Ақтөбе қаласында жүрген кезде естіген. Телефон арқылы хабарласқан кезде күмәнданып, тіпті түні бойы ұйықтай алмағанын жасырмады. Кейін мән-жайды анықтау үшін арнайы барып, бәрінің рас екеніне көзі жеткен.

Нұрбек жүк тасымалымен айналысады. Бұған дейін де түрлі лотереяларға қатысып жүргенімен, мұндай ірі ұтыс алғаш рет бұйырып отыр.

Ол құжат рәсімдеу кезінде қатты толқығанын айтады. Бір жағынан ұйқысыздық әсер етсе, екінші жағынан күтпеген қуанышты бірден қабылдай алмаған. Тіпті бұл жаңалықты жақындарына да бірден айтпаған.

Жеңімпаздың сөзінше, ол бұған дейін ірі ұтыстар тек белгілі бір кезеңдерде ғана ойнатылады деп ойлаған. «Бір рет өзім де байқап көрейін» деген ниетпен қатысқан. Нәтижесінде, көптен бергі арманы орындалған.

Нұрбек – үш баланың әкесі. Отбасы осы уақытқа дейін жалдамалы пәтерде тұрған. Енді ұтып алған 20 миллион теңгелік баспананы өз үйіне айналдыруды жоспарлап отыр. Сондай-ақ, қалған қаражатты алғашқы жарна ретінде пайдаланып, өзге де қарыздарын жабуды көздейді.

Оның айтуынша, жұбайы да алғашында бұл жаңалыққа сенбеген. Кейін шын екеніне көз жеткізіп, отбасы үшін үлкен қуаныш болғанын айтқан.

Нұрбек енді мұндай ұтыстардың шынайы әрі әділ өтетініне көз жеткізгенін жеткізді.