Алматыда элиталық түнгі клубтардың бірінде есірткі өткізу дерегі анықталды, — деп хабарлайды «Dalamedia» ақпараттық порталы. Бұл туралы Бас прокуратура мәлімдеді.

Тергеу деректеріне сүйенсек, Медеу ауданындағы түнгі клубтардың бірінде жұмыс істейтін азамат шартты сатып алушыға «гашиш» есірткісін сату барысында қолға түскен.

Клуб аумағын тексеру кезінде ұнтақ тәрізді заттардың іздері мен ішінде ақ түсті заты бар зип-пакет табылған. Қазіргі уақытта күдікті уақытша ұстау изоляторына қамалды. Аталған дерек бойынша сотқа дейінгі тергеу амалдары жалғасып жатыр.