Қасым-Жомарт Тоқаев еңбек қауіпсіздігін күшейтуге, жұмысшылардың құқығын қорғауға және әлеуметтік қамсыздандыру жүйесін жетілдіруге бағытталған заңнамалық түзетулерге қол қойды, -деп хабарлайды «Dalamedia» ақпараттық порталы.Қасым-Жомарт Тоқаев еңбек қауіпсіздігін күшейтуге, жұмысшылардың құқығын қорғауға және әлеуметтік қамсыздандыру жүйесін жетілдіруге бағытталған заңнамалық түзетулерге қол қойды, -деп хабарлайды «Dalamedia» ақпараттық порталы.

Жаңа өзгерістерге сәйкес, еңбек қатынастарының нақты белгілері бар жағдайда азаматтық-құқықтық келісімшарт жасауға тыйым салынады. Сондай-ақ 14 жасқа толмаған балалары бар жалғызбасты ата-аналарды жұмыс беруші бастамасымен, тіпті штат қысқарту кезінде де жұмыстан шығаруға болмайды.

Бұдан бөлек, өндірістегі жазатайым оқиға кезінде жұмысшының кінә деңгейі 25 пайыздан аспайтын шекте белгіленеді. Ер азаматтардың декреттік демалыста болған кезеңі зейнетақы тағайындау кезінде есепке алынады. Ал ереуіл кезінде қауіпті өндірістерде жұмыстың ең төменгі деңгейін қамтамасыз ету міндеті енгізілді.