Ақтау қаласында екіқабат әйелдерді жалған жұмысқа орналастырып, соның есебінен пайда тапқандар сотталды, — деп хабарлайды «Dalamedia» ақпараттық порталы.

Тергеу жұмыстарын Қаржылық мониторинг агенттігінің Маңғыстау облысы бойынша департаменті жүргізген. Тексеру барысында есепшінің мемлекеттік жәрдемақыны заңсыз иемденетін жүйе ойлап тапқаны анықталды.

Ол Instagram желісі арқылы адамдардың сеніміне кіріп, талайды сан соқтырған. Салдарынан мемлекетке 146 миллион теңге көлемінде шығын келген.

Күдікті жалған еңбек шарттарын жасап, бұйрықтар шығарған. Тергеу барысында заңсыз ақшаға сатып алынған үш бөлмелі пәтер тәркіленді. Сот үкімімен айыпталушы 5 жылға бас бостандығынан айырылды.