АҚШ Ұлттық аэронавтика және ғарыш басқармасы (NASA) араға 54 жыл салып алғаш рет Айға адам қатысқан миссияны іске қосты. Зымыран Канаверал мүйісі ғарыш айлағынан ұшырылды, -деп хабарлайды «Dalamedia» ақпараттық порталы.

Artemis II бағдарламасы аясында төрт астронавт Айға қонбайды, керісінше оның айналасын ұшып өтіп, шамамен он күннен кейін Жерге қайта оралады. Бұл миссия болашақта жүзеге асатын толық қонуларға дайындық ретінде қарастырылып отыр.

АҚШ президенті Дональд Трамп ұзақ үзілістен кейінгі бұл ұшуды тарихи қадам деп атап, Америка Құрама Штаттарының ғарыштағы жетекші рөлін ерекше атап өткен.

Axios басылымының жазуынша, бұл жоба бұрынғы Apollo 8 және Apollo 10 миссиялары сияқты Айға қону алдындағы маңызды сынақ кезеңі саналады. Алдағы уақытта мұндай ұшулар Айда тұрақты база салуға жол ашуы мүмкін.

Миссия құрамында астронавттар Виктор Гловер, Кристина Кох және Джереми Хансен бар. Бұл экипаж құрамында ғарышқа ұшқан алғашқы әйелдердің бірі және АҚШ-тан тыс елдің өкілі де бар.

Жоспарға сәйкес, Айға адам қондыру 2028 жылға белгіленген. Кейін NASA Ай бетінде тұрақты ғылыми база құруды көздеп отыр.