АҚШ Сенаты кәсіпкер әрі миллиардер Джаред Айзекманды NASA басшысы қызметіне ресми түрде бекітті. Дауыс беру нәтижесінде оны 67 сенатор қолдап, отызы қарсы шыққан.

Айта кетерлігі Айзекман - агенттікті басқарған алғашқы саяси тәжірибесі жоқ жетекші. Ол әуесқой ұшқыш ретінде танымал, сондай-ақ ашық ғарышқа шыққан алғашқы кәсіби емес астронавт саналады.

Ал Forbes мәліметінше, Айзекманның байлығы шамамен 1,2 млрд доллар. Бұл қаржы төлем жүйелері, ұшқыштарды даярлау және жеке әуе паркін басқару саласындағы бизнестен түскен.

Сондай-ақ миллиардерді SpaceX компаниясымен іскерлік байланыстар байланыстырады. Алайда ол Айды игеру мен оның ресурстарын зерттеуді қолдайды. Бұл бағыт Марсты негізгі мақсат санайтын Илон Масктың көзқарасымен толық сәйкес келе бермейді.

Осыған дейін NASA басшысының міндетін уақытша көлік министрі Шон Даффи атқарған. Айта кетейік, мамыр айында Дональд Трамп Айзекманның кандидатурасын кері қайтарып алғанымен, кейін қайта ұсынып, Сенат оны мақұлдады.