Оңтүстік Қазақстанда туған әкесін соққыға жыққан ер адамға қатысты үкім қайта қаралып, жаза мерзімі ұзарды, — деп хабарлайды «Dalamedia» ақпараттық порталы.

Tengrinews.kz сайтының мәліметінше, апелляциялық сот 31 наурыз күні прокуратураның шағымын қарап, оны қанағаттандырған. Осылайша, осыған дейінгі 5 жылдық жаза 6 жылға дейін ұзартылды.

Сот өкілдерінің айтуынша, айыптау баптары өзгермеген. Ер адам «қинау» және «денсаулыққа қасақана орташа ауырлықтағы зиян келтіру» баптары бойынша кінәлі деп танылған. Алайда жаза мерзімі қатаңдады.

Істің деректеріне тоқталар болсақ, ер адам дәрменсіз әкесін соққыға жыққан. Ақыр соңында әкесі көз жұмып, оны жерлеуге қам жасаған. Осы жайттар үкімді қатаңдатуға негіз болған.

Айта кетейік, бастапқыда іс бойынша күдікке ілінген сотталушының жұбайына қатысты қылмыстық қудалау тергеу барысында тоқтатылған.