Енді бірінші сыныпқа құжат қабылдау науқаны күзге дейін жалғасады — деп хабарлайды «Dalamedia» ақпараттық порталы.

Оқу-ағарту министрлігі тиісті заңнамаға өзгеріс енгізді. Енді бірінші сыныпқа қабылдау жұмыстары 1 сәуірде емес, 27 мамырдан басталып, 31 тамызға дейін жалғасады.

Жауаптылардың сөзінше, бұл өзгеріс мектеп әкімшілігіне түсетін салмақты азайтып, білім сапасына оң әсер етпек.

Жұлдыз Сүлейменованың айтуынша, бұған дейін құжат қабылдау оқу үрдісімен қатар жүргізіліп келген. Соның салдарынан мектеп басшылығы, мұғалімдер мен IT мамандарына қосымша жүктеме түсіп, кей жағдайда ұйымдастыру жұмыстарына салмақ түсірген. Осыны ескере отырып, биыл қабылдау мерзімі қайта қаралған.

Жаңа тәртіп ата-аналар мен мектептер үшін қолайлы болмақ. Қазіргі таңда құжат қабылдау жүйесі сынақтан өткізілуде. Қосымша мәліметтер алдағы уақытта жарияланады.