ERG компаниясының хабарлауынша, Қазақстан жаңа өндіріс кәсіпорнын іске қосу арқылы галлий өндірісі бойынша әлемде екінші орынға көтерілмек. Галлий — электроника, жарықдиодтар, лазерлер, күн панельдері, 5G-жабдықтары және электр көліктерінде кең қолданылатын сирек металл.

Жоба ERG-ның өз технологиясына негізделген. Ол металл концентрациясы төмен ерітінділерден де жоғары тазалықтағы галлийді алуға мүмкіндік береді. Сонымен қатар, бұл технология глинозём сапасын арттырып, өндірістік шығындарды азайтады.

Бірінші металлді алу 2026 жылдың үшінші тоқсанында жоспарланған. Жобаның жалпы инвестициясы 12,5 млрд теңгеден асады. Жаңа кәсіпорын шамамен 70 жұмыс орнын құруға мүмкіндік береді, ал өндіріс қуаты жылына 15 тонна галлийді құрайды.

Сондай-ақ, ERG Hitachi және Mitsui компанияларымен меморандумдарға қол қойды. Құжаттар тау-металлургиялық қуаттарды жаңғырту, цифрлық және «жасыл» технологияларды енгізу, сондай-ақ өндірістің көміртегі ізін азайту шараларын қарастырады.

Материал ERG компаниясынан алынды.