Елімізде дәрілік қамтамасыз ету жүйесі өзгереді. Нәтижесінде препараттардың бағасы төмендеп, бақылау күшеймек.
Денсаулық сақтау министрлігінің мәліметінше, енді генерикалық дәрілердің бағасы түпнұсқаның құнынан 30%-дан аспайды. Мемлекеттік бағдарламалар аясында дәрілердің бағасы 15%-ға дейін, ал көтерме және бөлшек саудада 26%-ға дейін арзандайды.
Сонымен қатар, дәрілерді тіркеу мерзімі қысқарады: бұрынғы 210 күннің орнына 100 жұмыс күні, ал АҚШ, ЕО, Жапония және Ұлыбританияда мақұлданған препараттар үшін небәрі 15 күн қажет болады.
2026 жылға қарай елде госпитальдық фармация дамып, осындай бөлімшелердің саны 170-ке дейін өседі. Бұл қадам дәрі-дәрмектің қолжетімділігін арттырып қана қоймай, сапасын бақылауды күшейтеді және сатып алу жүйесінің ашықтығын қамтамасыз етеді.
Жансулу Садыкова
Бүгін, 15:05
Қоғам