Оқиға түнгі сағат 01:00 шамасында қала көшелерінің бірінде болған. Беттерін маскамен жасырған екі азамат ұзын ағаштың көмегімен бірнеше камераны істен шығарған.

Салдарынан 700 мың теңгеден астам материалдық шығын келтірілген.

Тәртіп сақшылары күдіктілерді анықтау үшін маңайдағы камера жазбаларын жіті тексеріп, олардың жүрген бағытын айқындаған. Жедел іздестіру шаралары нәтижесінде екі ер адам да ұсталды.

Алдын ала мәліметке сәйкес, олар бұл әрекетке жол қозғалысы ережесін бұзғаны үшін салынған айыппұлға наразылық білдіру мақсатында барған.

Аталған жайт бойынша бөтеннің мүлкін қасақана бүлдіру дерегімен қылмыстық іс қозғалып, сотқа дейінгі тергеу амалдары жүргізіліп жатыр.