Қазақстанда алдағы үш күнде қуатты магниттік дауыл болады. Мамандардың айтуынша, осы кезеңде аспанда полярлық шұғыла айқын көрінуі мүмкін, -деп хабарлайды «Dalamedia» ақпараттық порталы.

Ионосфера институты өкілдерінің мәліметінше, бұл табиғи құбылыстың басты ерекшелігі – түнгі аспандағы полярлық шұғыланың ерекше анық байқалуы. Соңғы рет мұндай көрініс биылғы қаңтар айында тіркелген еді. Сол кезде Қазақстанның оңтүстік-шығыс өңірінде аспан жарқырап, тұрғындардың назарын аударған болатын.

Мамандар күшті магниттік дауылдың байланыс жүйелерінің жұмысына әсер етуі мүмкін екенін айтады. Сондай-ақ орбитадағы кейбір спутниктердің қызметінде де уақытша қиындықтар туындауы ықтимал.

Дәрігерлер болса, әсіресе қан қысымы жоғары адамдарға денсаулығына мұқият болып, өз жағдайын бақылауда ұстауға кеңес береді.