Жапонияның Хоккайдо аралының маңында магнитудасы 5,6-ға тең жерасты дүмпуі тіркелді. Еуропалық-Жерорта теңізі сейсмологиялық орталығының мәліметінше, табиғи құбылыстың эпицентрі Хатинохе қаласынан солтүстік-шығысқа қарай 111 шақырым жерде орналасқан.

Сейсмологтардың дерегінше, жер сілкінісінің ошағы 62 шақырым тереңдікте болған. Дүмпу күші Аомори префектурасының солтүстігінде орналасқан, 239 мыңға жуық тұрғыны бар Хатинохе қаласында да сезілген.

Қазіргі уақытта оқиға салдарынан зардап шеккендер мен қираған ғимараттар туралы ақпарат жоқ. Жапонияның құзырлы органдары цунами қаупі туралы ескерту жарияламады.