Сенаттағы брифингте Бірыңғай жинақтаушы зейнетақы қорының табысына қатысты сұрақтарға Ұлттық банк өкілдері жауап берді, — деп хабарлайды «Dalamedia» ақпараттық порталы.

Ұлттық банк төрағасының орынбасары Әлия Молдабекованың айтуынша, соңғы кезеңде теңгенің нығаюы зейнетақы активтерінің инвестициялық табысына әсер еткен. Оның сөзінше, қор қаражатының шамамен 40 пайызы әртараптандыру мақсатында шетел валютасында сақталады. Ал қаңтар мен наурыз аралығында теңге долларға шаққанда шамамен 5,5 пайызға күшейген.

Осы себепті инвестициялық табыс көлемі азайған. Наурыз айында бұл көрсеткіш шамамен 240 миллиард теңгеге төмендеген.

Соған қарамастан, Ұлттық банк өкілі жыл басынан бері жалпы инвестициялық табыс оң деңгейде қалып отырғанын атап өтті. Оның айтуынша, зейнетақы активтерін қысқа мерзімдегі ауытқулармен бағалау дұрыс емес, себебі бұл ұзақ мерзімді жинақ қаражаты.

Ведомство өкілі негізгі көрсеткіш ретінде зейнетақы қорындағы табысты ұзақ мерзімде қарастыру қажет екенін жеткізді.Сенаттағы брифингте Бірыңғай жинақтаушы зейнетақы қорының табысына қатысты сұрақтарға Ұлттық банк өкілдері жауап берді, — деп хабарлайды «Dalamedia» ақпараттық порталы.

Ұлттық банк төрағасының орынбасары Әлия Молдабекованың айтуынша, соңғы кезеңде теңгенің нығаюы зейнетақы активтерінің инвестициялық табысына әсер еткен. Оның сөзінше, қор қаражатының шамамен 40 пайызы әртараптандыру мақсатында шетел валютасында сақталады. Ал қаңтар мен наурыз аралығында теңге долларға шаққанда шамамен 5,5 пайызға күшейген.

Осы себепті инвестициялық табыс көлемі азайған. Наурыз айында бұл көрсеткіш шамамен 240 миллиард теңгеге төмендеген.

Соған қарамастан, Ұлттық банк өкілі жыл басынан бері жалпы инвестициялық табыс оң деңгейде қалып отырғанын атап өтті. Оның айтуынша, зейнетақы активтерін қысқа мерзімдегі ауытқулармен бағалау дұрыс емес, себебі бұл ұзақ мерзімді жинақ қаражаты.

Ведомство өкілі негізгі көрсеткіш ретінде зейнетақы қорындағы табысты ұзақ мерзімде қарастыру қажет екенін жеткізді.