Жазба авторының айтуынша, ер адамның қазіргі аты — Николас Пикколо. Ол 1998 жылдың 26 қарашасында Қарағанды қаласында дүниеге келген. Туған кездегі есімі — Руслан Өмірзақов.

Мәліметке қарағанда, ол бала кезінде Қарағандыдағы «Малютка» балалар үйінде тәрбиеленген. Кей деректерде бұл мекеме «Шапағат» атауымен де белгілі болуы мүмкін.

Отбасының айтуынша, 2003 жылдың 19 қаңтарында ол шетелдік отбасы тарапынан асырап алынған. Қазір ер адамның жұбайы әлеуметтік желілер арқылы ақпарат тарату оның биологиялық ата-анасын немесе олар туралы қандай да бір дерек білетін адамдарды табуға көмектеседі деп үміттенеді.