Польшада неке қию туралы куәліктердің жаңа үлгісін енгізу жоспарланып отыр. Жаңартылған құжатта дәстүрлі «күйеу» және «әйел» атаулары қолданылмай, олардың орнына гендерлік бейтарап «бірінші серіктес» және «екінші серіктес» деген ұғымдар енгізілуі мүмкін.

Қазіргі таңда бұл өзгерістерді заңды түрде бекіту үшін тиісті нормативтік-құқықтық акт әзірленіп жатыр. Бастама Еуроодақ аумағында тіркелген біржынысты некелерді тануға қатысты Еуропалық соттың шешімінен кейін көтерілген.

Билік өкілдерінің мәлімдеуінше, жаңа терминология неке туралы жазбаларды біріздендіріп, оларды еуропалық заңнама талаптарына сәйкестендіруге мүмкіндік береді. Бұл қадам қоғамда түрлі пікір туындатуы мүмкін екені де айтылып отыр.