АҚШ президенті Дональд Трамптың Гренландияға қатысты ұстанымына байланысты жаңа мәлімдеме жасалды. АҚШ Мемлекеттік хатшысы Марко Рубионың айтуынша, Ақ үй бұл аумақты күшпен басып алуды емес, сатып алу мүмкіндігін қарастырып отыр.

Рубионың сөзінше, бастама АҚШ-тың ұлттық қауіпсіздігі мен стратегиялық мүдделерін қорғауға бағытталған. Осыған байланысты Конгресстегі бірқатар заң шығарушылар Трамптың Гренландия жөніндегі жоспарына алаңдаушылық білдіріп отыр.

Ал Дания тарапы бұл мәселеде өз ұстанымын қатаң жеткізді. Копенгаген Гренландия сатылмайтынын, аралдың болашағын тек Дания мен Гренландия халқының өзі шешетінін мәлімдеді. Сондай-ақ ел билігі егемендік қағидаттары бұзылмайтынын атап өтті.