АҚШ-тың Ішкі қауіпсіздік министрлігінің дерекқорында «ең сорақы қылмыскерлер» (worst of the worst) деп аталатын тізімге үш бірдей Қазақстан азаматы енгізілген.

Аталған антирейтингке посткеңестік елдерден шыққан өзге де мигранттар енген. Аталмыш тізімде 27 Украина азаматы, 18 Ресей, 22 Армения азаматы, сондай-ақ Грузия мен Беларусьиядан екі адамнан бар.

Дегенмен дерекқорда көрсетілген қылмыскерлердің басым бөлігі Латын Америкасы елдерінің азаматтары. Атап айтқанда, тізімде бірнеше мың Мексика азаматы тіркелген.

АҚШ билігі бұл санатқа ауыр қылмыс жасаған, қоғамға қауіп төндіретін тұлғаларды енгізетінін мәлім етті.