АҚШ президенті Дональд Трамп әкімшілігі елге келетін барлық шетелдік туристерден соңғы бес жылдағы әлеуметтік желідегі белсенділігі туралы мәлімет талап етуді көздеп отыр. Бұл талап визасыз кіре алатын Ұлыбритания және Германия азаматтарына да қолданылмақ.

АҚШ -тағы Шегаралық бекет мамандары жариялаған ақпаратқа сәйкес, әлеуметтік желідегі тарихтан бөлек, шетелдіктерден соңғы бес жылда пайдаланған электрондық пошта адрестері мен телефон нөмірлері, сондай-ақ отбасы мүшелерінің аты-жөні мен мекенжайы да сұралатын болады.

Бұған дейін АҚШ Мемлекеттік департаменті белгілі бір санаттағы визаны рәсімдегісі келген адамдардан әлеуметтік желідегі профильдерін ашық ету талабын енгізген еді.

Electronic Frontier Foundation бұл бастаманы «теңдесі жоқ бақылау тәжірибесі» деп атап, әлеуметтік желілердегі белсенділігі үшін шетелдік студенттер мен мигранттарға қысым күшеюі мүмкін екенін ескертті.

Сонымен қатар, бұған дейін АҚШ билігі 19 елден келген грин-карта иелерінің істерін қайта қарауды бастағаны хабарланған.