Венеция қаласында өткен La Biennale di Venezia 2026 көрмесі аясында Қазақстан Республикасының Ұлттық павильоны өз жұмысын бастады, ,-деп хабарлайды «Dalamedia» ақпараттық порталы.

Ұлттық павильон ҚР Мәдениет және ақпарат министрлігінің қолдауымен ұсынылып, әлемдік деңгейдегі беделді көрмеде Қазақстанның мәдени әлеуетін таныстырды.

Көрме аясында «Qoñyr: Тыныштық архиві» атты жоба көпшілік назарына ұсынылды. Экспозиция руханият, мәдени сабақтастық және тарихи жады тақырыптарын арқау етіп, дыбыс, кеңістік пен визуалды өнер тоғысында ерекше көркем атмосфера қалыптастырады.

Ашылу рәсіміне ҚР Мәдениет және ақпарат вице-министрі Айбек Сыдықов, Қазақстанның Италиядағы елшісі Ерболат Сембаев және La Biennale di Venezia 2026 президенті Пьетранджело Буттафуоко қатысты.

Айта кетейік, Қазақстан павильонын Венециядағы Museo Storico Navale музейінде 2026 жылғы 22 қарашаға дейін тамашалауға болады.