Футболдан чемпиондар лигасының топтық кезеңінде «Қайрат» қақпашысы Темірлан Анарбеков тарихқа енді. УЕФА оны Астанада өткен «Қайрат» – «Олимпиакос» (0:1) кездесуінің үздік ойыншысы деп таныды.

Ойын барысында Анарбеков сегіз сейв жасап, командасын бірнеше қауіпті сәтте құтқарып қалды. Еске салсақ, 73-минутта Жэлсон Мартинштың өткір бұрыштан бағыттаған соққысы тордан табылды. Соған қарамастан, қақпашы 9.2 рейтингпен матчтың MVP атанды.

Анарбеков, 2003 жылы Атырауда туған Темірлан 17 жасында Премьер-лигада дебют жасаған. «Қайрат» жүйесінде өскен жас қақпашы жастар құрамасының капитаны болған, ал кәсіби мансабында мынандай трофейлер бар:

• Қазақстан чемпионы (2020)

• Қазақстан кубогының иегері (2021)

• Суперкубок жеңімпазы (2025)

Темірланның жетістігі қазақстандық футболдың халықаралық деңгейдегі беделін арттыратын маңызды оқиға.