Ақорданың мәліметінше, бұл шабуыл салдарынан бейбіт тұрғындар қаза тауып, азаматтық инфрақұрылымға айтарлықтай зиян келген.

Мемлекет басшысы мұндай әрекеттер Таяу Шығыстағы жағдайды одан әрі ушықтырып, өңірдегі тұрақсыздықты күшейтетінін атап өтті. Оның сөзінше, бейбіт халықтың өміріне қауіп төндіретін мұндай қадамдарды еш ақтауға болмайды.

Сондай-ақ Президент халықаралық деңгейдегі кез келген даулы мәселені шешудің ең дұрыс жолы – дипломатиялық тәсілдер екенін айтты.