Қазақстан Ұлттық қауіпсіздік комитеті «QazaqGaz Aimaq» АҚ Жетісу өндірістік филиалының директоры Айбек Ерғалидің ұсталғанын растады.
Ведомствоның хабарлауынша, қазіргі уақытта сотқа дейінгі тергеу амалдары жүргізілуде. Тергеу мүддесіне байланысты қосымша ақпарат жарияланбайды.
— «ҚР Қылмыстық-процессуалдық кодексінің 201-бабының 1-бөлігіне сәйкес сотқа дейінгі тергеу деректері жария етілмейді», — делінген ҰҚК хабарламасында.
Айта кетейік, Айбек Ерғали қамауға алынғанға бір күн бұрын БАҚ өкілдеріне брифинг өткізіп, жергілікті тұрғындар үшін газ бағасының өсуіне қатысты мәселелерді түсіндірген.
Еске салсақ, бұған дейін ҰҚК OrdaMed компаниясының басшысына іздеу жариялаған болатын. Бұл ақпарат құқықтық статистика және арнайы есепке алу органдарының порталында расталған.
DALAMEDIA admin
9
0