Қазақстан Республикасының Энергетика министрлігі 2026 жылғы 13 қаңтарда Қара теңіздегі КТК теңіз терминалы маңында Қазақстан экспорттық мұнайын тасымалдайтын екі танкерге қатысты болған оқиғаларға түсініктеме берді.

Хабарламаға сәйкес, екі танкер зардап шекті:

• «Matilda» (Мальта туымен), «ҚазМұнайГаз» ұлттық компаниясының еншілес ұйымы арқылы жалға алынған, БПЛА шабуылына ұшырады. Кеме бортында жарылыс тіркелген, бірақ өрт шықпаған. Экипаж арасында зардап шеккендер жоқ. Техникалық қызметтердің алдын ала бағалауы бойынша, танкер теңізде жүзуге жарамды, корпустық зақымдардың белгілері анықталған жоқ.

• «Delta Harmony» (Либерия туымен) да БПЛА шабуылына ұшыраған. Ол жүктеу операциясын күтіп тұрған кезде болған. Шабуыл салдарынан өрт шықты, бірақ оны тез арада сөндірді. Экипаж мүшелеріне ешқандай зиян келген жоқ.

Оперативті штаб дерегінше, оқиға болған кезде танкерлерге мұнай әлі жүктелмеген, яғни Қазақстанның экспорттық ресурсына еш зиян келмеген.

Энергетика министрлігі «ҚазМұнайГаз» ұлттық операторы, консорциум әкімшілігі және кеме иелерімен бірлесе отырып, логистикалық тізбектердің қауіпсіздігін қамтамасыз ету және экспорттық жеткізілімдердің үздіксіз жұмысын бақылап отыр.