Министрлік болған оқиғаны халықаралық құқық нормаларымен реттелетін азаматтық нысанға бағытталған үшінші шабуыл деп атап өтті. Астана украин тарапынан мұндай жағдайдың қайталануына жол бермеу үшін тиімді шаралар қабылдауды талап етті.

СІМ ресми өкілі Айбек Смадияровтың айтуынша, КТК әлемдік энергетикалық жүйенің тұрақтылығын қамтамасыз етуде маңызды рөл атқарады. Қазақстан жаһандық энергетикалық нарықтың жауапты қатысушысы ретінде мұнай жеткізілімдерінің үздіксіздігін қамтамасыз етуге басымдық береді.

КТК терминалына жасалған шабуыл

29 қараша күні таңертең украиналық теңіз дрондарының шабуылынан кейін КТК теңіз терминалы мұнай тиелімін уақытша тоқтатты. Шабуыл салдарынан танкерлерге мұнай құюға арналған үш айлақ құрылғысының бірі айтарлықтай зақымданған.

Компанияның мәліметінше, зақымдалған құрылғыны әрі қарай пайдалану мүмкін емес, алайда зақымның нақты сипаты жария етілмеген.

Шабуылдан кейін Қазақстанның Энергетика министрлігі мұнай экспортын балама бағыттарға қайта бағыттау жұмыстарын бастады.