Ирландия тағы да үлкен сенсация алдында. UFC-дің бұрынғы чемпионы, атышулы Конор МакГрегор президент сайлауына түсетінін жариялады.
Ол үндеуін премьер-министр кеңсесінің алдында жазып, халыққа тікелей жолдады:
«Мен президент болсам, халықтың қолынан өтпеген бірде-бір заңға қол қоймаймын. Егер бюллетеньде менің атымды көргіңіз келсе - бүгіннен бастап жергілікті кеңесшілерге хабарласып, менің кандидатурамды ұсынуды талап етіңіздер», - деді спортшы.
МакГрегор қазіргі билікті аяусыз сынға алды: 200 күннен астам уақыт бойы үкімет құрылмай, ел тыныштығы мен болашағына сенім жоғалғанын атап өтті. Ол әсіресе үйсіз балалар санының артуын, мигранттардың көптеп келуін, туризмнің қысқаруын және көшелердің қауіпсіз екенін «қоғамды күйретіп жатқан факторлар» деп атады.
Ирландиядағы президенттік сайлау 2025 жылдың 24 қазанында өтеді. Қазіргі мемлекет басшысы Майкл Д. Хиггинстің өкілеттігі қарашада аяқталады.
Егер МакГрегор расымен додаға түссе, бұл тек Ирландияда ғана емес, бүкіл әлемде алғаш рет октагон жұлдызының саясат сахнасына шығуы болмақ.
Жансулу Садыкова
Бүгін, 15:05
Қоғам