Арменияда өткен парламенттік сайлауда премьер-министр Никол Пашинян басқаратын “Азаматтық келісім” партиясы жеңіске жетті. Мемлекет басшысы Қасым-Жомарт Тоқаев Армения премьерін осы нәтижемен құттықтады ,-деп хабарлайды «Dalamedia» ақпараттық порталы.

Халықаралық байқаушылар сайлау процесінің қолданыстағы заңнамаға сәйкес өткенін, дауыс беру ашық әрі азаматтардың еркін таңдауын білдіруге мүмкіндік берген жағдайда ұйымдастырылғанын атап өтті.

Құттықтау жеделхатында Президент Қасым-Жомарт Тоқаев Никол Пашинянның Арменияның ұзақмерзімді ұлттық мүдделерін жүзеге асыру жолындағы қызметіне табыс тіледі.

Сонымен қатар Қазақстан Армениямен барлық салада өзара тиімді әрі достық қарым-қатынасты одан әрі дамытуға дайын екені айтылды. Мемлекет басшысы армян халқына бейбіт өмір, тұрақтылық және береке тіледі.