Мемлекет басшысы Қасым-Жомарт Тоқаев заң мен тәртіпке құрметпен қарау – ең алдымен жауапкершілік сезімі жоғары азаматтарға тән болмыс екенін айтты. Ол «Таза Қазақстан» тұжырымдамасы аясында қалалар мен ауылдарды көркейту, аумақтарды көгалдандыру және экологиялық мәдениетті арттыру жұмыстарына ерекше мән беру керектігін жеткізді.

Президент құқық бұзушыларға, соның ішінде вандалдарға заңға сәйкес жауапкершілік қарастырылуы тиіс екенін ескертті. Заң мен тәртіпке құрмет көрсету – жазадан қорқу емес, азаматтық жауапкершіліктің белгісі екенін атап өтті.

Қасым-Жомарт Тоқаев қазіргі күрделі заманда қоғамға татулық пен тұрақтылық ауадай қажет екенін, құқық қорғау органдары заң бұзушылықтарға қатаң шаралар қолдануы керек екенін айтты. Ол «Заң мен тәртіп» саясаты жалғаса беретінін, бұл – халқымыздың талабы мен сұранысы екенін атап көрсетті.